Жамбыл ауданы Бесағаш ауылы «Бесағаш» мешітінде құптан намазына келген жас мешіт жамағатына арнап «бір айда бір кітап» жобасы аясында психологиялық кітап талқыға түсуде.

Мешіт имамы Керимов Айтжан жамағатпен бірге Имам Ғазалидің «Жүректің сырлары» атты кітапты таңдап, кітап жөнінде жамғатпен талқылауда. «Жүректің сырлары» кітабын ислам әлемінің белгілі ғалымы  Имам Ғазали жазған. Жүректі кеселдерден қалай аман сақтау керектігін керемет айтады.

Дүниеге шектен тыс құмарлық, тәкаппарлық, ашкөздік, көреалмаушылық, қызғаншақтық, екіжүзділіктен арылудың, емделудің тәсілдерін жазған. Бұл кітапты бір отырғанда бітіріп тастау жүрегіңе ауыр болады. Күн сайын бір беттен оқып тұрсаң, лайықты дозасын алғанмен тең.

Жамбыл аудандық мешітінің баспасөз қызметі