Тараз қалалық орталық «Кеңесхан қажы» мешітінде «Отыз күнге отыз уағыз» бастамасымен «Отбасындағы тақуалық» жайында уағыз айтылды. Уағыз намаздың алдында ашық түрде өтуде және кезкелген жамағат қатыса алады.
Ислам – көркем мінез бен әдепке негізделген дін. Жанұяңызда келіспеушілік немесе түсінбеушілік орын алды делік. Алланың разылығы үшін ашуыңызды ұстап, сабыр еттіңіз, керісінше, сол өткінші сынақты жақсылыққа қарай бұра білгеніңіз – сіздің тақуалыққа қарай қадам басқаныңыз. Сынақты, яғни жамандықты жақсылыққа айналдыра білу әр мұсылманның идеалы, әр істе үлгі алатын ұлық тұлғасы – соңғы пайғамбар Мұхаммед (Алланың оған салауаты мен сәлемі болсын) екені белгілі. Ендеше, біз, мұсылман үмбеті Алла Елшісінің бойындағы асыл қасиеттерден үлгі алсақ жеткілікті.
"Әулие ата" мешітінің баспасөз қызметі