Жамбыл ауданы Жалпақтөбе ауылы «Тұрғани» мешітінің бастамасымен жүз қырық отбасына қайырымдылық жасалды. Ауылдық демеуші кәсіпкерлердің қатысуымен өткен шараға бір миллион алты жүз сексен мың теңге қаражат жұмсалды. Рамазан айы – мұқтаждардың жоғын жоқтап, сауап ниетімен жәрдем беріп, қайырымдылық көрсетіп, жомарттық танытатын ай. Ал жомарттық – Исламдағы өзгелерге көмек көрсетуде сауабы мол амал.
Жомарттық жасайтын адам тек Алланың ризашылығын көздейді. Қазақ халқы мұндай адамды «қолы ашық, жаны жомарт адам» - деп бағалаған. Мейлінше, қасиетті Рамазан айында көп жақсылық жасап, қайырымдылықпен шұғылданғанымыз абзал болмақ!
Жамбыл аудандық мешітінің баспасөз қызметі