Тұрар Рысқұлов ауданы Құлан ауылындағы Құлан агротехникалық жоғары колледжінде «Ислам және ізгі қоғам»  аясында «Имандылық - ізгілік бастауы» атты дөңгелек үстел өтті. Бұл іс-шараға «Қасымбай ата» мешітінің имамы Әбілдаев Нұрқияс арнайы барып тақырып төңірегінде ой қозғап, пікір алмасып, баяндама жасады. Дөңгелек үстелге колледж мұғалімдері мен студенттері қатысып, белсенділік танытты.

Нұрқияс имам насихатында: «Имандылық – адамның қоғамдағы, күнделікті өмірдегі іс-әрекеттерін белгілі-бір қалыпқа түсіретін ішкі рухани реттеуіш қадір-қасиет, адам бойындағы адамгершілік, ізгілік, кісілік белгісі. Дәстүрлі қазақ қоғамында адамның имандылығына – мінез-құлық жүйесіндегі ерекшеліктеріне көп көңіл бөлінген. Адамның жарық дүниеге келуі, өсуі, ержетуі, тіршілік етуі, қартаюы, ата мен баланың қарым-қатынасы, үлкендік пен кішілік, сыйластық, әдептілік пен арлылық, инабаттылық тәрізді маңызды мәселелер имандылықтың маңызды құрамдас бөлігі ретінде ешқашан да назардан тыс қалмаған. Жастардың үлкендерге құрмет көрсетуі, үлкендердің кішілерге ізет білдіруі өмір сүру салтына айналған», - деп баяндамасына қосты.

Қуаныш Тузелбеков 

Рысқұлов аудандық мешіттің баспасөз қызметі