Тараз қаласының мешіттерінде қайырымдылық іс-шаралары жалғасын табуда. «Айсұлу ана» мешітінің ұйымдастыруымен газель жүргізушілерінің басын қосып уағыз-насихатын айтып, мұқтаж жандарға азық-түлікпен жәрдем берілді.

«Әзрет Әли» мешіті 25 отбасыға кәсіпкер бауырлармен бас қосып, қайырымдылық мақсатымен әрқайсысына 10 000 теңге ақшалай жәрдем берді. Қасиетті Рамазан айында садақа беріп, қайырымдылық жасау ең сауапты да, қайырлы істердің бірі болып саналады.

Пайғамбарымыздың (с.а.у.) хадисінде: «Рамазанның берекесі – мейірімділік көрсету мен ізгі амалдар жасаумен арта түспек. Жетім мен жесірге, жоқ-жітікке қарайласу мұсылманның мерейін үстем қылады. Жетім мен жесірдің ас-суы мен киім-кешегі үшін көмек қолын созған кісі  Алла жолында жиһад жасағанмен, әр түнін намаз оқып, күндізін ораза ұстаумен өткізген адам сияқты», – деп айтылғандай, қасиетті айда жасаған қайырымдылық және ізгі амалдарымызды Алла Тағала қабыл етсін.

"Әулие ата" мешітінің баспасөз қызметі