Тараз қаласы «Айсұлу ана» мешітінде және «Намаз ата» мешіттерінде жаңа кілем төселді. Рамазан айына қарсаң мешіттердегі ескі кілемдерді жаңа кілемге ауыстыру жұмыстары жасалды. Аталған ескі кілемдер қолдануға жарамды жағдайда болған себепті, ауылдық мешіттерге сыйға тартылды.
Алланың ризалығына жетелейтін жол Ислам шариғатында жатыр. Соның бірі – имам Мүслимнен келген хадисте кездеседі. Пайғамбарымыз Мұхаммед (с.ғ.с.) айтқан: "Алла Тағалаға қаланың өте жақсы орындары – мешіттері."– дейді. Мешіттің қабырғасынан діни уағыз тыңдап, білімін жетілдіріп, сауатымды арттырамын, ұстаздан тәлім аламын деген мұсылмандар үшін – тәлім мен тәрбие ордасы.
Пайғамбарымыздың (с.ғ.с.) хадистерінде айтылғандай мешітке келушілердің оң аяғына сауап жазылып, дәрежесі артатын болса, әрбір басқан сол аяғының күнә-кемшіліктері кешіріледі. Алланың алдында қадірімізді арттыратын мешітке әрдайым жәрдем беру сауапты іс.
"Әулие ата" мешітінің баспасөз қызметі