Шу ауданы "Ж.Жиенбет" мешітінің ауласы тазартылып, ішіндегі кілемдер мен көрпелер күнге жайылды. Абаттандыру жұмыстары жүргізіліп, мешіт ауласына 9 түп раушан гүлі, астра тұқымының ерекше 4 түрінен және шүкір гүлдері егілді.

Мешіт имамы Шүкірәлі Бердібеков бастаған мешіт қызметкерлері "бисмилләмен" гүлдердің тұқымын сеуіп, 25 түп ағаш отырғызды. Атап айтсақ, оның ішінде: 4 түп алма ағашы, 15 түп қара өрік, 6 түп ақ, қан қызыл, күлгін сирен ағашы да бар. 

"Мешіттер бізге аманат, сондықтан әсемдігі мен көркі және тазалығы да біздің жауапкершілікте" - дейді имам. 

Шу аудандық "Жәми" мешітінің баспасөз қызметі