Рамазан – мұсылмандар үшін қасиетті және берекелі ай. Ислам таңы осы айда атып, дүниені жарығына бөлеген, ұлы кітабымыз Құран Кәрім осы айда түсе бастаған. Мың айдан да қадірлі болып есептелетін Қадір түні де осы айдың ішінде. Ішкі дүниемізді жаман ойлардан және сыртқы дүниемізді жаман әрекеттерден тазартатын ораза осы айда ұсталады.

Осы айдағы оразаның маңыздылығын насихаттау мақсатында Шу аудандық "Жәми" мешітінің наиб имамы Мұхаммедәли Оспанов жамағатқа "Ораза қалай ұсталады және оның тәртібі" тақырыбында уағыз айтты. 

Оразаның мақсаты, міндеті, шариғи үкімдері, тәртібін тілге тиек еткен маман жамағаттың көкейіндегі сауалдарға да жауап берді. 

Шу аудандық "Жәми" мешітінің баспасөз қызметі