Биылғы қыс өткен жылдардан суығымен ерекше. Ал ауа райына қарамастан қаланың көркін келтіріп, тазалық жұмыстарын жүргізіп жүрген "Жасыл ел - Тараз" қызметкерлеріне тұрғындардың разылығы шексіз.
Тараз қаласы мешіттері қақаған суықта еңбек етіп жүрген осы 50 адамға ыстық шай мен ыстық бутерброд таратты. Имамдар суығы сүйектен өтетін далада адал еңбектерін атқарып жүрген қызметкерлерге шексіз алғысын білдіріп, құрметтерін жеткізді.
Мұндай жүрек жылытар қамқорлыққа "Жасыл ел - Тараз" қызметкерлері алғыстарын айтты.
Ақерке БЕКҚҰЛОВА
"Һибатулла Тарази" мешітінің баспасөз қызметі