Жаңбыр – бұл Алла Тағаланың мейірімі, жаңбыр жауып тұрғанда дұға қабыл болады әрі дәл осы кезде мүмін адам Аллаға жақын болатын кез екенін әрбір мұсылман баласы біледі.

Сондай-ақ, Мекке – күллі мұсылман қауымы үшін қасиетті орын, бұл қалаға әрбір мүміннің жаны мен жүрегі құштар. Әрбір мұсылман өмірінде бір мәрте болсын осы қасиетті қалаға барып қайтуды армандайды. Қажылық уақыты өтіп кетсе де, әлемнің түкпір-түкпірінен кіші қажылықты өтеуге мұсылмандар ағылып келуде. Осы аптада қажыларды нағыз тосынсый күтіп тұрған еді: Қасиетті Қағба маңында нөсер жауын құйып берген! 

Осы арада айта кететін бір жайт, Сауд Арабияның шөлді климаты үшін жаңбыр сирек кездесетін құбылыс, жауын жылына 4-5 рет қана жауады.

Қажылардың айтуынша, нөсер жауын құйып тұрған сәтте Қасиетті мешіт аумағы ерекше бір күйге енген, оны сол кезде жасалған суреттерге қарап та байқауға болады.

 asyldin.kz

Кімде-кімге жақсылық жасалса, ол жақсылық жасаушыға: "Алла саған разы болсын деп айтса, мақтауды кемеліне келтіргені," деген болатын. (Тирмизи)