Месут Озил әлемдегі ең танымал мұсылман-футболшылардың бірі болып табылады. Жуырда Месут Озил өзінің жазылмандарына Меккеден әкелінген сыйлығын, атап айтқанда, Қасиетті Қағба кисва-жамылғысының бір қиығын көрсетті.

«Үйімнің төрінде Меккедегі Қасиетті Қағба жамылғысының бір қиығының ілініп тұруы мен үшін үлкен құрмет әрі айырықша артықшылық деп білемін. Осынау бағасыз сыйлық үшін Аллаға шүкір айтамын», - деп жазған екен футболшы Instagram парақшасына.

Кисва – Мекке қаласында орналасқан Қасиетті Қағбаны жауып тұратын жамылғы. Оны қажылықтың алдында жыл сайын ауыстырып тұрады, ал қажылық аяқталғанда бұл жамылғыны қиықтарға бөліп, мұсылмандарға таратады. Кейбір ғалымдардың пікірінше, Қағбаны жамылғымен жабу дәстүрі өзінің бастауын сонау Ысмайыл пайғамбардың (ғ.с.) заманынан алады екен.

Естеріңізге сала кетсек, 2016 жылы Месут Озил Қасиетті Мекке мен Медине қалаларына барып кіші қажылығын өтеп қайтқан болатын.

asyldin.kz

"Олармен олардың қалаған нәрселерінің арасына кедергі түседі. Бұрын ұқсастарына да сөйтілген еді. Сөз жоқ, олар шәк ішінде күдіктенуші". ( "Сәбә", 34/54)