Иран үкіметі биткоин мен басқа да криптовалюталарға қатысты жүргізілетін операцияларға салынған тыйымның күшіне енгенін жариялады.

ИИР Орталық банкінің мәлімдемесінде: «Елдің барлық қаржы мемкемелері мен ақша орталықтарында биткоинді және басқа да цифрлық валютаны қолдануға тыйым салынды»,- делінген.

Естеріңізге сала кетсек, Иран үкіметі елде биткоиннің қолданыста болуына тыйым салатындығы туралы пікірін өткен жылы-ақ білдірген болатын. Бұл шешім криптовалюта лаңкестік әрекеттерді қаржыландыруға немесе «ақшаның ізін жасыру» үшін қолдану мүмкіндігіне байланысты қабылданып отыр.

Айта кету керек, Иранда валюта айырбастауға да тыйым салынғандығы өткен аптада белгілі болған.

asyldin.kz