Мысыр үкіметі мешіттерде дауыс зорайтқыштарды қолданумен күресті күшейтуге ниетті екендігін жариялады.
Естеріңізге сала кетсек, бірнеше ай бұрын Дін істері жөніндегі министр Мұхаммед Жұма құлшылық ету мен уағыздарды дауыс зорайтқыштар арқылы трансляция жасауға тыйым салған болатын, бірақ барлық діни ғибадатханалар жаңа ұйғарымды орындамай жүрген көрінеді.
Egypt Today ресурсына берген сұхбатында салыстырмалы құқықтану мен шариғат профессоры Ахмед Карим құлшылық ету кезінде дауыс зорайтқыштарды қолдану Ислам қағидаларына қайшы келеді деп атап айтқан. Дауыс зорайтқыштарды тек азан айтуда ғана қолдануға болады.
Сонымен қатар, дінге сәйкес, мешіттер қарт және науқас адамдарға, сондай-ақ, өзге дін өкілдеріне қолайсыздық тудыратын үдер шығармауы керек.
Мысыр дін мамандарының айтуына қарағанда, намазды дауыс зорайтқыштар арқылы трансляциялау жамағатпен әрі тыныштықта оқылатын намаздың мәніне қайшы келеді.
asyldin.kz