Бұдан былай Қытай тұрғындары Киелі Кітапты сатып ала алмайды. Қытай үкіметі христиандардың қасиетті Киелі Кітабын ғаламтор арқылы сатуға тыйым салды.
Жергілікті БАҚ өкілдерінің айтуынша, бұл тыйымның жай-жапсары әзірге белгісіз. Тек ғаламтор-дүкендерінің қожайындарына Қытай мәдениет министрлігі жағынан тексерістердің жиі орын алып кеткендігі айтылған.
Айта кету керек, біршама уақыт бұрын елдің тұрақты дүкендерінде Киелі Кітаптарды сатуға тыйым салынған болатын. Христиандардың айтуына қарағанда, бұл биліктің елде христиан дінін таратуға тосқауыл қоюының кезекті бір әрекеті.
Мұндай тыйым Құран мен даосизм дінінің қасиетті мәтіндеріне қатысты емес. Дегенмен, кейінгі кезде Қытайда орын алып отырған мұсылмандарға қатысты жасалып жатқан жазалау шараларын ескеретін болсақ, жуырда мұсылмандардың қасиетті кітабы Құранға да тыйым салынуы ықтимал.
asyldin.kz