Бүгін VIII Жыл сайынғы инвестициялық форум аясында Татарстан президенті Рустам Минниханов Біріккен Араб Әмірлігінің вице-президенті, премьер-министрі, қорғаныс министрі, Дубай әмірлігінің билеушісі Шейх Мұхаммед бен Рашид Әл-Мактумммен кездесті.

ТР баспасөз қызметінің мәлімдеуінше, Минниханов Татарстан мен БАӘ-нің өзара тиімді серіктестігінің келешек дамуын атап өтіп, Дубай билеушісін Татарстанға келуге шақырған.

Айта кету керек, сондай-ақ, бүгін Рустам Минниханов пен БАӘ-нің экономика министрі Сұлтан бен Саид Әл Мансуридің басқосуы болып өткен.

«БАӘ – экономикалық байланысты дамытуда бірден-бір тиімді әріптес. Еліміздің үкіметі мен іскер шеңбері әртүрлі салада серіктестікті кеңейтуде бар күш-жігерлерін салуда. Татарстан аймақтық дәрежеде аталмыш үдерісте белсенді қатысуға дайын. Біріккен Араб Әмірліктері – аймақтағы біздің жетекші әріптесіміз», - деп атап өтті ТР президенті.

Басқосудың соңында Минниханов үстіміздегі жылдың 10-12 мамырында Қазанда өтетін 10-шы «KazanSummit» Халықаралық экономикалық саммитке қатысуға ниет білдіргені үшін алғысын айтты.

asyldin.kz