Сауд Арабиясының мұрагер ханзадасы Мұхаммед бен Салман Францияға ресми сапарын бастады. Бұл сапары үш күнге созылады деп күтілуде.

France-Presse баспасының мәлімдеуінше, Сауд корольдігі отбасының өкілі Луврде Франция президенті Эммануэль Макронмен кешкі ас ішкен.

Француз БАҚ өкілдерінің хабарлауынша, ханзада сапарының мақсаты – «Таяу Шығыстағы шиеліністің өсуіне орай екі ел байланысын нығайту».

Сонымен қатар, Франция стратегиялық талдау институтының сарапшысы Давид Ригуле-Роздың пікірінше, Сауд ханзадасының басты мақсаты – Сауд Арабиясына жаңа инвестицияларды тарту.

Оның мақсаты – қазіргі таңда Батыста көп айтылып жүрген реформалардың көмегімен «Видение-2030» жобасын «сату». Бұл реформалар Сауд Арабияны жетілген ел ретінде көрсетуі тиіс. Реформалар сәтті болуы үшін елге шетел инвестициялары қажет, ал Сауд Арабиясына инвесторлардың келуі үшін, елді реформалау қажет», – деп келтірген БАҚ өкілдері.

Естеріңізге сала кетсек, Сауд Арабиясында соңғы айларда бірқатар реформалар жүргізілген. Бұрында қолжетімді болмаған дүниелер іске асып жатыр, атап айтқанда, тұңғыш рет қыз-келіншектерге көлік жүргізу құқығы беріліп әрі қызметтерге тағайындалуға рұқсат етілген. Жуырда корольдікте соңғы 35 жылдғы тұңғыш кинотеатр ашылады.

asyldin.kz