Кеше, 1 ақпан күні, Дүниежүзілік үйлесімді дінаралық қатынастар аптасы басталды. Аталмыш іс-шара Иордания королі Абдалла II бастамасымен 2010 жылдың 20 қазанында БҰҰ Бас Ассамблеясының қарарына сәйкес өткізілетін болған.
Дүниежүзілік үйлесімді дінаралық қатынастар аптасы күллі әлемнің назарын дін көшбасшыларының, дінаралық қозғалыстардың әрі жеке адамдардың түрлі дін және конфессия ұстанушылар арасындағы өзара сыйластық пен өзара түсінушілікті арттыру, нығайту бағытында жұмсап жатқан күш-жігерлерін көрсетуге үндейді.
Дүниежүзілік үйлесімді дінаралық қатынастар аптасы алғаш рет 2011 жылы өткізілген болатын.