Өткен тәулікте соңғы 50 жылда алғаш рет Марокконың оңтүстік, оңтүстік-шығыс және шығыс аудандарын қалың қар басып тастады әрі ауа температурасы айтарлықтай төмендеп кеткен.
Нәтижесінде шөл, жартылай шөлді аумақтар мен шұрат жерлер қардың астында қалған. Әлеуметтік желілерді қолданушылар қар басып қалған пальмалар, үйлердің төбесін, автомобильдерді, жолдарды, бассейні бар виллаларды, мейманханалар мен тарихи ескерткіштер суреттерімен бөлісуде.
«Көп жылға созылған қуаңшылықтан кейін Марокконың оңтүстік аймақтары шамамен жарты ғасыр көрмеген нөсер мен қалың қар жауғанын көріп жатыр», - деп корольдіктің ұлттық метеорологиялық қызметінің өкілдері мәлімдеген.