Мұсылмандар діни басқармасы Сауд Арабиясының қажылық жөніндегі министрлігімен келіссөздер жүргізді. Нәтижесінде, биыл қазақстандықтарға 2500 қажылық жолдамасы берілді.

Бұл туралы stan.kz ақпарат көзі ortcom.kz порталына сілтеме жасай отырып, хабар таратты.

“Қажылық туристік емес, діни сауабы мол сапар. Сондықтан да оған үлкен жауапкершілікпен қараған жөн. Министрлік өз тарапынан қажылық сапарға шығатын қауымға қолдау көрсетуге дайын. Сонымен қатар, биыл мұсылмандарды қажылыққа апарып әкелетін қазақстандық «Scat Airlines» әуе компаниясымен келісім шарт жасадық”,- деді Орталық коммуникациялар қызметінде өткен баспасөз-конференцияда ҚР Дін істері және азаматтық қоғам министрі Нұрлан Ермекбаев.

Сондай-ақ, министрдің айтуынша қажылық кезінде адамның ауырып немесе төтенше жағдайға тап болатын кездер болуы мүмкін. Осыны ескере келе, қажылық құрамына Діни басқармадан дәрігер, имамдар мен дінтанушылар да жіберіледі.

ҚР Дін істері және азаматтық қоғам министрлігінде діни туризмді дұрыс жоспарлау мен өткізудің бағыттары қаралуда. Қажылық ұйымдастыратын тур компанияларға талап күшейтілмек.

“Біздің қажылық сапарға шыққан мұсылмандарымызға бұрын-соңды диструктивті ағымдардың тарапынан немесе басқа да қауіп-қатер ықпалы әсер етсе, бүгінде ондай қорқыныш жоқ. Сауд Арабиясы мен Қазақстан экстремизм мен радикализмге қарсы бірлесіп күресетін болады”,- деді ведомства басшысы.

Бүгінгі таңда, ҚР Денсаулық сақтау министрлігімен бірлесіп қажылыққа барушылар үшін әлемнің 8 елінде инфекцияға қарсы вакцина алуға мүмкіндік беретін келісім жасалды. Бұл Сауд Арабиясының қажылық парызын өтеуші мұсылмандарға қойып отырған талабы.

 Михаил Воскресенский

 «Көктер мен жердегі барлық нәрсе бір Алланың мүлкі. Көкейлеріңдегіні жария етсеңдер де, жасырып іштеріңде сақтасаңдар да, Алла бәрібір онымен сендерді жауапқа тартады» (Бақара, 284)