Атам қазақ :  «Қызың арақ ішсе – қызығыңның кеткені, ұлың арақ ішсе – ырысыңның кеткені»,– деген ұлағатты сөзі бар. Маскүнемдік адамдардың денсаулығын бұзып, шаңырақтың тату-тәттілігін шайқалтады, адамды әл-қуатынан, ерік-қайратынан айырады.

Арақ ішетін және құмар ойнайтын адамдар арасында сөзсіз дұшпандық пен өшпенділік туындайды. Ал, рухани залалы – пендені діни міндеттемелерінен тоқтатады. Намаздан, оразадан және т.б. құлшылығынан қайтарады. 

Кез келген адамның ақылдан айырып, мас ететін ішімдік арақ болып табылады. Мұндай ішімдіктің бір жұтымы да – харам. Хадистерде: «Әрбір мас етуші (ішімдік) – арақ, барлық арақ түрі – харам» (Муслим)

Осыны халыққа ұғындыру үшін қырғыз ауылы білек сыбаныпты. Барлық ішімдіктерді сатып алып, түгелдей қиратты. Ал дүкендерге алкогольді ішімдік сатуға тыйым салынды. Бұл әмірді орындамаған сатушылар айыппұл төлейтін болады. 

hibatulla.kz

Маида сүресінің 90-аятында:

يَأَيُّهَا الَّذِينَ آامَنُوا إِنَّمَا الْخَمْرُ وَ الْمَيْسِرُ وَ الْأنْصَابُ وَ الْأَزْلَامُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُنَ 

«Ей, иман келтіргендер! Арақ ішу, құмар ойнау, пұтқа табыну, оқпен бал ашып бәсекелесу – шайтан ісі, жиіркенішті қылықтар. Бақытқа жетем дегендер шайтан ісінен аулақ болыңдар».