«Астана медресесінде» «Техникалық және кәсіптік білім беру жүйесінің жаңа форматтағы педогогі» тақырыбында республикалық семинар сабақтары өтуде. ҚМДБ төрағасы, бас мүфти Ержан қажы Малғажыұлының бастамасымен елімізде тұңғыш рет өткізіліп жатқан семинар сабақтары 72 сағаттық оқу тақырыптық жоспар негізінде іске асады.

Семинарға Қазақстан Мұсылмандары Діни басқармасына қарасты барлық медресе, колледждер мен Ислам институтынан барлығы жетпістан аса ұстаздар қатысуда. Бұл шараны «QAZSERT» Қазақстан Республикасының сертификаттау, тесттілеу және кәсіптік бағдарлау ұйымдарының қауымдастығының білікті, тәжірибелері ұстаздары өткізіп жатыр.

Курс бағдарламасында оқытудың жаңа технологияларын енгізу, заманауи педагогикалық менеджмент жаңа форматтағы оқытушы ретінде дәрістер беруде. Республикалық біліктілікті арттыру курсы  12 тамызға дейін жалғасады.

Kazislam.kz 

"Алла араларыңдағы иман келтіргендер мен ғылымда тереңдегендердің дәрежесін көтереді" 
«Мүжәдәлә» сүресі, 11-аят