Snow City деп аталатын «жаңа қала» Al-Othaim Mall Rabwa сауда орталығында орналасқан. Парктегі ауа температурасы жыл бойына -3 градус салқындықты ұстап тұратын болады.

Орталықта қыс маусымына тән барлық сипаттар сақталған. Мұнда қарлы қырлардан шанамен, шаңғымен сырғанауға, мұз айдынында коньки тебуге, сондай-ақ панорамалы көпірмен жүріп, «қыс қызығын» сезінуге мол мүмкіндік берілген.

Жобаны жүзеге асыру шамамен 30 миллион долларға шыққан. Парк аумағы – 5 мың текше метр. «Қар қаласына» бір уақытта 350 адам қонақ бола алады.