Рамазан – сауап жасауға мол мүмкіндік беретін, рухани тұрғыдан өзін-өзі жаңартып, жүректі тазартатын ай. Мұхаммед пайғамбар (оған Алланың салауаты мен игілігі болсын) былай деген: «Аузы берік кісіге ауыз аштырғанға ораза ұстағанның сауабындай сауап беріледі.

Бұдан ораза ұстаушының сауабы еш кемімейді». Әйел-қыздар секторы 10жылдық мерей тойына орай аудан мешітінің шәкірттері мен қонақтарының қатысуымен кең көлемде ауызашар дастарханы жайылды. Рухани кеш барысында Пайғамбарымыздың (оған Алланың салауаты мен игілігі болсын) өнегелі өмірінен қысқаша видеороликтер көрсетіліп, сол дәуірдің тағылымды сәттері еске алынды.

Қатысушылар әсерлі сәттерден ғибрат алып, жүректеріне рухани серпіліс алды. Кеш соңында жамағатпен бірге дұға-тілектер жасалып, ерекше басқосу жоғары деңгейде өтті. Алла Тағала жасаған игі амалдарымызды қабыл етіп, Рамазан айының берекесін нәсіп етсін!

Аудандық «Қордай» мешіті баспасөз қызметі