Бөлтірік шешен ауылындағы Әбубакр мешітінде жастар тәрбиесіне арналған тағылымды насихат өтті. Мешіт имамы Бақытжан Нұғманов жамағатқа «Елдің болашағы – білімді жастарда» тақырыбында уағыз айтып, білімнің қоғам дамуы мен ұлт келешегіндегі маңызын кеңінен түсіндірді.

Насихат барысында имам жастарды білім алуға, ізденіске ұмтылып, елдің өркендеуіне адал еңбекпен үлес қосуға шақырды. Сондай-ақ, білім мен иманның қатар жүруі тұлғаның кемелденуіне жол ашатынын атап өтті.

Кездесу соңында жамағат тағылымды ойларымен бөліскен имамға ризашылық білдіріп, алғыстарын жеткізді.

"Әбубәкір" мешітінің баспасөз қызметі.