«Жәми» мешітінің шәкірттері облыстық деңгейде өткен Құран жарысында жоғары нәтижелер көрсетіп, жүлделі орындарды қанжығасына байлады. Бұл — ауданымыздың діни білімге деген құлшынысы мен жас өрендердің талпынысының айқын көрінісі.

Биылғы сайысқа Шу ауданынан екі үміткер қатысып, өзара жарысқа түскен ондаған қатысушы арасынан үздік атанды.

Жапарқұл Жанерке — жарты параны жатқа оқу бойынша өнер көрсетіп, жоғары нәтижемен 2-орынға ие болды.

Сағынтай Жадыра — бір параны жатқа оқу санатында 12 қатысушының ішінен суырылып шығып, лайықты 4-орынды иеленді.

Ұстаздары мен ата-аналары шәкірттердің бұл жетістігін аудан мерейін көтерген үлкен жеңіс деп бағалап, алдағы жарыстарда да биік белестерді бағындыратынына сенім білдірді.

Шу аудандық «Жәми» мешітінің баспасөз қызметі.