Аспара ауылы «Ыбырайым ата» мешітінде жамағатқа «Хадис – ғұрпымыз, сүннет – салтымыз» кітабынан насихат айтылды. 

Насихат барысында мешіт имамы Серікбаев Дархан Ардақты  Пайғамбарымыздың (Алланың салауаты мен сәлемі болсын) сүннетінің қоғамдағы орны мен оның Қазақ дәстүрімен сабақтастығы туралы баяндады. 

Имам өз сөзінде ата-бабамыз ұстанған салт-дәстүрдің түп негізі Ислам құндылықтарымен тығыз байланыста екенін атап өтті. Жамағатқа хадистерден алынатын өнегелер мен ұлттық ғұрыптың үйлесімі жөнінде тағылымды насихат айтылды.

Шара соңында имам сүннетті ұстану – өз дәстүрімізді дәріптеу екенін атап өтіп, жамағатты ізгі амалға шақырды. 

Меркі аудандық «Меркі ата» мешітінің  баспасөз қызметі