Жамбыл облысы Тұрар Рысқұлов аудандық «Сұлтан» орталық мешітінің наиб имамы Мейіржан Рахымбаев аудандық ішкі істер бөлімінің қызметкерлерімен кездесті. Жиын барысында «Радикалды діни ағымдардың белгілері» тақырыбында ақпараттық-түсіндіру жұмысын жасады.

Мейіржан имам насихатының соңында: «Қорыта айтқанда барлығымыз өзара ынтымақ пен бірлікте болып, өзара сыйластықта жүрсек бізді алар жаудың болмайтындығы сөзсіз. Әйтпесе, қарақан басымызды ғана ойлап, ұстанған түрлі діни көзқарастарымызға байланысты қазіргі кездегі сөз, дін бостандықтарын қалқан етіп бір-бірімізді жағамыздан алып, жазықсыз да негізсіз жала жауып, сүріндіруге тырыссақ, өзіміз де, еліміз де қасірет шегеді. Осыны ұмытпаған жөн.

«Бірлік түбі – тірлік», «Ырыс алды – ынтымақ» демей ме дана халқымыз. Ендеше, бір жеңнен қол, бір жағадан бас шығарудың пайдасы да, ғибратының да мол екендігі ақиқат», - деп, сөзін тәмамдады.

 Қуаныш Түзелбеков

Рысқұлов аудандық мешіттің баспасөз қызметі