Жамбыл облысы Тұрар Рысқұлов ауданы Жаңатұрмыс ауылы «Қожай баба» мешітінің имамы Жанболат Аубакировтің ұйымдастыруымен «имани жаз» сауат ашу курсында құран жаттаған шәкірттер арасында құран жарысы өтті.

Құран жарысы 3 номинация бойынша: 1,5 пара, 1 пара және 10 сүреден өтті. Әр номинацияға 3 орын тағайындалып, ақшалай жүлделер табысталды. 1,5 пара бойынша бірінші орын алған шәкіртке Ұмра қадылығына жолдама сертификаты табыс етілді.

Жарысқа облыстың бас имамы Асқар зәкіржанұлы, облыстық мешіттің наиб имамы Абдіқадыр және аудан бас имамы Қуаныш Досымжанұлы әділ қазылық етіп, артынан жүлделерді табыстап, алғыс хатпен марапаттады. Сонымен қатар, облыс бас имам білімнің артықшылығы жайында шәкірттерге, жанкүйер боп келген ата-аналарына уағыз айтып, сұрақтарына жауап берді.

Қуаныш Түзелбеков 

Рысқұлов аудандық мешіттің баспасөз қызметі