Меркі ауданының орталық мешітінде қазақтың ұлы ақыны  Абай Құнанбайұлының 180 жылдығына орай жамағатқа тағылымды насихат айтылды.

Іс-шара барысында аудан бас имамы Азамат Берікұлы Абайдың өмір жолы, шығармашылығы және ислам құндылықтарымен үндесетін өсиет сөздеріне  кеңінен тоқталып, Абайдың мұрасы – имандылық, әділдік, бірлік, білім мен еңбек сынды асыл құндылықтарға негізделгенін атап өтті.

Жамағатқа дана ақынның өмірінен өнеге алып, дін мен дәстүрді ұштастыра отырып, елдің бірлігі мен рухани дамуына үлес қосу қажеттігі насихатталды.

Іс-шара соңында ауыл ақсақалдары Алладан елімізге береке-бірлік тілеп, дұға жасады.

Меркі аудандық «Меркі ата» мешітінің баспасөз қызметі