‎Сарысу ауданы, Өндіріс ауылындағы Жаманқара мешітінің жанында жамағатқа арналған жаңа асхана құрылысы басталды. Бұл бастама — ауыл тұрғындарының көптен күткен жобасы. Жаңа асхана діни мерекелерде, жамағат жиындарында және түрлі қайырымдылық шараларында жиналған жұртқа кең әрі жайлы орын ұсынбақ.

‎Асхана құрылысы — жамағаттың ауызбірлігінің айғағы. Жергілікті тұрғындар мен жомарт азаматтар жұмыла үлес қосып, игі істің тезірек аяқталуына күш салуда. Жаңа нысан тек ас ішу орны ғана емес, ауылдың мәдени-рухани өмірінде маңызды орын алатын ортақ бас қосу алаңы болмақ.

‎Жоспар бойынша асхана заманауи талаптарға сай жабдықталып, жамағаттың ыңғайына қарай салынады. Бұл — тек бір ғимараттың бой көтеруі емес, ауылдың рухани келбетінің жаңаруы, бірлік пен татулықтың нығаюы.

‎Алла Тағала осы игі істі берекелі етіп, үлес қосқан әрбір жанға сауаптан жазғай!