Шу аудандық орталық «Жәми» мешітінде қасиетті Рамазан айының берекелі күндері жалғасуда. Әйел-қыздар секторында игі дәстүрді жалғастырып кезекті ауызашар кеші өтті.

Ақ дастархан басында ұстаз Сәуле Нұрсұлтанқызы Рамазан айының қадір-қасиетті туралы тағылымды уағыз-насихат айтты. Бұл айдың сабыр мен кешірім, қайырымдылық пен береке айы екенін ерекше атап өтіп, әйел жамағатын жақсылық пен ізгілікке шақырды.

Сонымен қатар, әйел-қыздар арасында Рамазан айына қатысты танымдық ойындар ойнатылып, белсенді қатысушыларға арнайы сыйлықтар табысталды.

Шу аудандық «Жәми» мешітінің баспасөз қызметі.