Тұрар Рысқұлов ауданы, Құмарық ауылының "Әшірбай" мешітінің имамы Марат Бидайбекұлы ауылдық мәдениет үйінде өткен "Иманды жас – ел болашағы" атты дөңгелек үстелге қатысып, жастармен кездесті.

Кездесу барысында Марат имам жастарды имандылыққа, әдептілікке, ізгілікке және шыншылдыққа шақырып, бұл асыл қасиеттерді бойға сіңіру жолдарын кеңінен түсіндірді. Сондай-ақ, Отанды сүю, ата-ананы құрметтеу, ұстазға ізет көрсету секілді қасиеттердің маңыздылығын атап өтіп, қоғамдағы зиянды әдеттерден аулақ болуға үндеді.

Имам жаман әдеттердің әрқайсысына жеке-жеке тоқталып, олардың адам өміріне тигізетін зияны мен қауіптілігін баяндады. Жастар тарапынан қойылған сұрақтарға жауап беріп, олардың көкейінде жүрген мәселелерге қатысты кеңестерін айтты.

Түзелбеков Қуаныш
Рысқұлов аудандық мешітінің баспасөз қызметі