Тұрар Рысқұлов аудандық «Сұлтан» мешітінің ұстазы Айгерім Шынали сауат ашу курсына қатысушы шәкірттерге «Отбасы құндылығы» тақырыбында уағыз айтты.

    Айгерім ұстаз насихатында: «Отбасы – мейірім мен махаббаттың, жан тыныштығы мен ауызбіршіліктің ұштасқан ордасы. Жарасым тапқан әр отбасы – мемлекет тыныштығының кепілі. «Отан – отбасыдан басталады» - деп дана қазақ халқымыз бекер айтпаған. Адамзат атаулының бәрінің бойындағы адамгершілік, имандылық, әдептілік, кішіпейілділік сынды көптеген қасиеттер осы жанұяда қалыптасады. Отбасы іргетасының беріктігі -  оның мүшелерінің өз міндеттерін біліп, өз межесінде орындауында жатыр. Белгілі бір заңдылыққа мүлтіксіз бағынған отбасында тыныштық орнайды,- деп, қажетті мағлұматтармен бөлісті.

 Қуаныш Түзелбеков

Рысқұлов аудандық мешіттің баспасөз қызметі