Жамбыл облысының бас имам Бейбіт Әліпбекұлының бастамасымен орталық мешіт имамдары мен медресе ұстаздарының арасында футболдан жарыс өткізілді.

«Шараның басты мақсаты – Мәуліт айының құрметіне дін қызметкерлерінің басын қосып, имамдар мен ұстаздар арасындағы ауызбірлікті, ынтымақты арттыру. Салауатты өмір салтын насихаттау, бұқаралық спортты дамыту», – дейді бас имам.

Шаршы алаңдағы тартысты ойын екі команданың достық жеңісімен аяқталды. Жиналған көпшілік те, ойыншылар да қуанышпен тарқасты.