Тараз қаласы, «Кеңесхан қажы» мешітінің ұстазы Зейнеп Жәдігерқызының ұйымдастыруымен мешіт шәкірттері арасында Құран жарысы өткізілді.  

Он үшке жуық қатысушы бақ сынасқан жарыста шәкірттердің махражы, тәжуиді, жаттау қабілеті жан-жақты бағаланды. Жарыс қорытындысы бойынша, 1-2-3 орын алған жеңімпаздарға және барлық қатысушыларға мешіт демеушілерінің көмегімен қаржылай сыйлықтар табысталды. 

Зейнеп Жәдігерқызы «Пайғамбарымыз Мұхаммед (с.ғ.с.): «Құран оқушыға: «Оқы, көтеріл және дүниеде қалай оқысаң, солай оқы. Расында, сенің дәрежең оқыған соңғы аятқа сәйкес болады», – деп Алланың қасиетті кітабы Құран Кәрімді жаттаудың сауабы мен маңыздылығы жайында  уағыз айтты. Жарыс соңында қатысушыларға арнайы дастархан жайылып, сый-сыяпат көрсетілді.