Жамбыл облысы Байзақ ауданы Абай ауылдық мәдениет үйінде «Байзақ баба» мешітінің наиб имамы Бақытбек Бауыржанұлы ауыл тұрғындарымен кездесіп, «Ихсан – рухани тәрбие негізі» тақырыбында насихат айтты.

Насихат барысында Бақытбек Бауыржанұлы: «Ихсан – пенденің иманын бекемдеп, құлшылыққа деген құлшынысын арттыратын, адамгершілікке тән игі қа­сиет­терді кемелдендіре түсетін рухани ілім. Құдіреті күшті Хақ Тағала Құран Кәрімде ерекше мән берген құндылықтың біре­гейі де осы – ихсан ілімі. Қасиетті Құранда: «Негізінде Алла әділдікті, игілікті (ихсанды) және ағайынға қарайласуды бұйырады. Сондай-ақ арсыздықтан, жаман­дықтан және зорлық-зомбылықтан тыяды. Түсінерсіңдер деп сендерге (осылайша) насихат айтады», - деді.