Тұрар Рысқұлов ауданы Әбжапар ауылдық мешітінің имамы Киікбаев Ғалымжан кітапханада ауыл тұрғындарымен кездесті. Жиында ауыл имамы «Діни экстремизм дегеніміз не?» тақырыбын қозғап, сұраққа жауап іздеді. Дінде шектен шығушылардың сипаты мен ұстанымдары айтылып, олардан сақтану жолдары да баяндалды.

Ғалымжан имам баяндамада: «Экстремизм сөзі «шеттеу», яғни «орталықтан ауытқу, белгіленген жерден тыс кету» деген мағынаны береді. Бұл ұғым қоғам ішіндегі жеке тұлғаның немесе топтардың жалпы тәртіпті мойындамауы, өзінің пікірімен ғана іс-әрекет жасауы сипатында көрініс табады. «Экстремизм» сөзінің ең жақын синонимі – радикализм. Ал терроризм – сол экстремизмнің барар нәтижесі»,- деп сипаттап өтті.