Тұрар Рысқұлов ауданы Әбжапар ауылы Әбдіжаппар мешітінің имамы Ғалымжан Аятұлының ұйымдастыруымен «Қайырымды жұма» қайырымдылық акциясы іске асырылды. Қайырымдылық акциясында ауылдағы 5 мұқтаж отбасыға қой еті үлестірілді.

Қайырымды іске демеуші болған дәулетті азаматқа ауыл имамы алғыс айтып, ақ батасын беріп, өміріне, мал-дүниесіне береке тіледі. Пайғамбарымыздың хадистерінің бірінде: «Садақа – бәле-жаланы қайтарады», және «Садақа – Алланың ашуын басады, жаман өлімнен тосады», - дейді. Сондықтан, садақа беруге асығып, айналамызды садақа беруге қызықтыруымыз қажет екенін түсінеміз