«Ислам және дәстүр құндылығы» жылы аясында «Жүніс молда»  мешітінің ұстазы Бота Меңдібайқызының ұйымдастыруымен  «Дін мен дәстүр-халық қазынасы»  атты ұлттық нақыштағы  мерекелік іс-шара өтті.

Отырыс барысында дін мен дәстүрге байланысты «Меркі ата» мешітінің ұстазы Тилеубердиева Медина  уағыз- насихат айтып дініміз бен дәстүрімізге берік болуға шақырды.  Игі шарада дін мен дәстүрге қатысты викториналық сұрақ-жауап ойындары ойнатылды, және де «тұсау кесер», «қыз ұзату»  сынды салт дәстүрден қойылымдар болды. Ойтал округтік   және «Береке» әжелер тобы қонақ болып келіп, әсем әуендерімен іс- шараның көркін келтірді.

Алла Тағала бізді асыл дінімізді берік ұстап, салтымызды сақтаған, дәстүрімізді құрметтеген ұрпақтардан болуды жазсын!