Жамбыл облысы, Меркі ауданы «Жүніс молда» мешітінде РАНТ мүшесі Нұралы Бақытұлы жұма насихатын  айтты.

Қасиетті жұма күні «Жүніс молда» мешітінде «Ислам және отбасы»  тақырыбында жұма уағызын айтқан РАНТ мүшесі: «Пайғамбарымыз (Алланың игілігі мен сәлемі болсын): «Біліп қойыңдар! Сендердің барлығың бақташысыңдар, бәрің де өз отарларыңа жауапкерсіңдер. Әмірші (басшы) – адамдарға бақташы, ол – сол отарына жауапкер, ер кісі – өз отбасына бақташы, сол отарына жауапкер, ал әйел күйеуінің үйіне және баласына бақташы әрі солардан сұралады», – деген. Демек сіз бен біз өз отбасымызға, бала – шағамызға жауаптымыз. Әр қайсымыз дастархан басында отырғанда бала – шағамызға дінімізді үйретіп отыруымыз керек. Егер біз ұрпағымызға Ислам дінін үйретпесек, ондай жағдайда ұрпағымыз сырттан келген неше түрлі теріс ағымдар мен адасқан топтардың жетегінде кетіп қалу қаупі бар.» - деді.

Алла Тағала отбасы, бала – шағамызға амандық беріп, жұма күнгі дұға – тілектеріміз қабыл болсын!