Талас ауданы, Қаратау қалалық “Әбдірашит ата” мешітінің имамы Ахат Қайыпбергенұлы мешіт жамағатына салафи-уахабилік діни ағымы туралы кең көлемде уағыз-насихат жүргізді.

Аталмыш діни ағымның хижаз өлкесінде пайда болу тарихы мен қалыптасу кезеңі, бүгінгі салафи-уахабилік ағымның саясилануы, өз ішінде қырықпышақ болуы сынды тақырыптарды талдап, жамағатқа түсіндірілді. Жастарымызды аталмыш діни ағымнан сақтандыру үшін өзіміздің дәстүрлі исламдық құндылықтарымызға берік болу керек екендігін тілге тиек етті. Жиын соңында жамағат сұрақтарын қойып, толыққанды жауаптарын алды.