Әбдібай ата мешітінің имамы Асқарбек Серікұлы мешітке ақ некесін қидыруға келген жастарға отбасы құндылығы мен отбасы болудың алғышарттары туралы ақпарат беріп, уағыз-насихатын айтты.

«Отбасы – мейірім мен махаббаттың, жан тыныштығы мен ауызбіршіліктің ұштасқан ордасы. Жарасым тапқан әр отбасы – мемлекет тыныштығының кепілі. «Отан – отбасыдан басталады» – деп дана қазақ халқымыз бекер айтпаған. Адамзат атаулының бәрінің бойындағы адамгершілік, имандылық, әдептілік, кішіпейілділік сынды көптеген қасиеттер осы жанұяда қалыптасады. Отбасы іргетасының беріктігі – оның мүшелерінің өз міндеттерін біліп, өз межесінде орындауында жатыр. Белгілі бір заңдылыққа мүлтіксіз бағынған отбасында тыныштық орнайды», – деді имам.

Неке қиылып болған соң, мешітіміздің ақсақалы Абай атамыз жастарға бата беріп, бақытты ғұмыр тіледі.