Жұма күні Меккеде Қағбаның кілтін сақтаушы Салех бен Зейн әл-Абидин әл-Шайби қайтыс болды. Салех бен Заин әл-Абидин әл-Шайби – Қағба кілттерінің 77-ші сақтаушысы және ол Осман ибн Талханың 109-шы мұрагері.

Бұл жауапкершілік Салехке 2013 жылы ағасы Абдулкадер Таха аш-Шайби қайтыс болғаннан кейін берілді. Аш-Шайби «Умм әл-Қура» университетінің діни білім бөлімін басқарды, оның профессорлық дәрежесі бар әрі ілім мен тарих бойынша бірнеше еңбек жазып қалдырды. Қамқоршының міндеттеріне Қағбаны ашу және жабу, жамылғысын жөндеу (кисуа) және келушілерді қарсы алу кіреді.