Қасиетті жұма күні Жамбыл облыстық «Һибатулла Тарази» мешітінің ұстазы Нұрсұлтан Зулпыкаров Байзақ ауданы Сарыкемер ауылдық «Ар-Рахман» мешітінің жамағатына жұма уағызын айтты.

Нұрсұлтан Зулпыкаров: «Адамдарға көркем өнеге ретінде жіберілген ардақты Пайғамбарымыз (оған Алланың салауаты мен сәлемі болсын) өте әділ еді әрі өзгелерге де әр істе әділдік жолын ұстануды бұйыратын. Хадис шәріпте: «Расында, турашыл болғандар, Алланың құзырында нұрдан жасалған мінберлерге жайғасатын болады. Олар – үкім етуде отбасы мүшелеріне және өздеріне бағынышты жандарға әділ болғандар», – деп айтылған (имам Мүслим).

"Қазақ халқы да әділдік ұғымын ерекше қастер тұтқан. «Қасым ханның қасқа жолы», «Есім ханның ескі жолы», «Әз Тәукенің Жеті Жарғысы» – бәрі де қара қылды қақ жарған әділеттілікке негізделді," – деп әділетті сүюге шақырған», - деп «Қоғам әділдікпен дамиды» тақырыбында жұма насихатын айтты.