Меркі ауданы, Тәтті ауылының тұрғыны Алла ісіне береке беріп, нығметіне бөленген кәсіпкер Бектұғұлов Аманбек ағамыз ауылдағы көп балалы жанұяларға, сондай-ақ, басқа да ауырып жатқан, көмекке мұқтаж жандарға зекетін ақшалай табыстады. Жалпы 1 000 000тг көлемінде зекет қаражаты үлестірілді.

Зекет – Ислам дінінің негізгі бес тіректерінің бірі. Зекет тілдік тұрғыда: тазару, өсу, өну, арту және береке деген мағыналарды білдіреді. Ал шариғатымызда зекет деп – нисап көлеміне жететін дәулеті бар мұсылман кісінің Алла разылығы үшін байлығының бір бөлігін жылына бір рет Құранда көрсетілген топтағы адамдарға беруді айтады.

Меркі аудандық “Меркі ата” мешітінің баспасөз қызметі