Бүгін Алматы қаласында еліміздің барлық облыстарынан келген Бас имамдардың «Нұр-Мүбарак Египет ислам мәдениеті» университетін тәмәмдап жатқан түлектерімен кездесуі өтті. 

Жамбыл облысынан облыс бас имамы Бейбіт Мырзагелдиев бастаған делегация да шараға қатысып, бітіруші түлектермен дидарласты. Бас имам болашақ мамандарды Жамбыл облысында қызмет жасауға шақырды.

Жас мамандарға Жамбыл облыстық орталық мешіті немесе қалалық, аудандық мешіттерге жұмысқа орналастыру мәселесі, кадрлардың қажеттілігі түсіндірілді. Өңірде жасалып жатқан бастамаларды тілге тиек етіп, мамандарға көрсетілетін қолдау туралы атап өтті. 

Ақерке БЕКҚҰЛОВА

"Һибатулла Тарази" мешітінің баспасөз қызметі