Ата-бабамыз осындай қысқа жіп күрмеуге келмейтін қысылтаяң шақтарда ауызбіршілікті, адалдықты, ынтымақты ту етіп көтерген. Әсіресе, көптің мәселесін қара бастың қамынан жоғары қойған. «Бір үй аш болса, бір ауыл аш, бір ауыл аш болса, бүкіл ел аш» деген қағиданы берік ұстанып, адам тағдыры ұлыс тағдырымен тығыз байланысты екенін қапысыз таныған. «Қыран жемін шашып жейді, құзғын жемін басып жейді» деген мақалдың мәніне терең бойлап, жалғыз өзі тойғанша жұртпен бірге қиналуды жөн көрген.

Осындай қиын сәтте қайырымдылық шараларын шамасы жеткенше ұйымдастырып жүрген Бірлікүстем ауылы "Бірлікүстем" мешітінің имамы  Жетпісбай Әлімбетов кәсіпкерлердің басын қосып, 5 отбасыға көмек табыстап қайтты. 

Қайырымдылық себеттерін имам шаңырақтарға өзі жеткізіп, алғыстарын алып қайтты. 

Шу аудандық "Жәми" мешітінің баспасөз қызметі