Шу ауданының бас имамы Алмас Кенжемолдаев "Оразалы" мешітінің жамағатымен жүздесіп, "Дін мен дәстүр сабақтастығы" тақырыбында келелі жиын өткізді.

"Жалпы дін мен дәстүрдің өзара байланысы аса қажет. Қазақ халқының күнделікті тұрмыс тіршілігі, әрбір іс-әрекеті Исламмен астасып жатыр. Мәселен, қазақтың ең үлкен дәстүрлі тойларының бірі – шілдехана. Баланың дүниеге келуі – бір ғана отбасының емес, бүкіл ауылдың, елдің қуанышы болған. Бала – өмірдің қызығы. Атам қазақтан «Балалы үй – базар, баласыз үй – қу мазар» деген аталы сөз қалған. Сондықтан ата-бабаларымыз сәби дүниеге келген кезде салт-дәстүр бойынша жаңа туған нәрестеге арнап қой сойған. Бұл дәстүр шариғатта «ақиқа» деп аталады. Ал қазақ салт-дәстүрі бойынша «қалжа» делінеді. Атаулары бөлек болғанымен негізгі атқаратын міндеттері бірдей" - деп имам дінде айтылып, дәстүрімізге сіңіп кеткен салттарды тізіп, оның астарын, дінмен байланысын түсіндіріп өтті. 

Шу аудандық "Жәми" мешітінің баспасөз қызметі