Адамзаттың асыл тәжі болған ардақты пайғамбарымыздың (оған Алланың игілігі мен сәлемі болсын) дүние есігін ашқан айы – Мәуліт мерекесінің құрметіне салауаттар айтып, өнегелі ғұмырын насихаттау Байзақ ауданы  халқының дәстүріне айналған.

Осыған орай Байзақ аудандық «Байзақ баба» мешітінің бас имамы Қанат Жұмағұлдың ұйымдастыруымен «Мәуліт жыры» оқылды. Шараға арнайы келген «Усманжан баба» мешітінің имамы Ораз Баймаханов қазақ тілде салауат оқыса, «Әбу Бәкір ас-Сыддық» мешітінің имамы, қари Қасымжан Бектаев араб тілінде оқып, марқұмдарға  құран аяттарын оқып, сауабын бағыштады.

Имамдар Аллаға шүкіршілік, пайғамбарымызға мадақ айтып, ел амандығы үшін дұға жасады.