Қордай өңіріне "Зекет және қайырымдылық" қорының Астана қаласы бойынша филиалының директоры  Әли Әзімбекұлы мен Жамбыл облысы бойынша "Зекет және қайырымдылық" қорының жауапты өкілі Ержан Маханұлы ат басын тіреді. 

Қордай ауданының бас имамы Асқар Зәкіржанұлының ұйымдастыруымен, өңірдегі кәсіпкерлердің қатысуымен семинар өтті. Шарада зекет деген не, оны қалай береміз, зекет кімдерге парыз сынды тақырыптар қозғалып, сұрақтарға дәлелді жауаптар берілді. 

Мамандар кәсіпкер азаматтарға зекеттің қоғамға және кәсіпке пайдасын жеткізіп, шариға шарттарын түсіндіріп өтті. 

Қордай аудандық мешітінің баспасөз қызметі